Et es jo kei Jeheimnis, ich ben ne kölsche Jung,
ich spreche, wie ich denke, haut wenn't sinn muss op de Trumm.
Ich wor immer irn'twie anders, jehoot och nie dozo,
et hätt ärsch lang jedoot, bes ich kapiert: dat bliet och su!
Och em nächste Levve, em nächste Levve,
will ich keine andre sin.
Och em nächste Levve, em nächste Levve,
jehür ich janz jenau he hin.
Läv nohm kölsche Jrundjesetz
ben un bliev ne kleine Fetz,
jo he jehür ich hin - un ich will
keine andre sin!
Ich hüür Radio Kölle, un les Express dozo,
un wenn wä säät: Ey, primitiv, dann sag ich hüür ens zo,
ich will wisse, wat he affjeiht, wat en der Stadt passeet,
denn am Eng määt et doch jede einzlne levvenswäät.
En ruutwieße Brell, nä die han ich nit,
doch Konfetti en der Klobösch, wenn der Äschermettwoch kütt.
Jedesmol die Jänsehuck, sinn ich der Dom vür mir,
Un ich will kriesche dürfe, wenn ich vun der Fööss et Veedel hür!
Letzter Ref:
Och em nächste Levve, em nächste Levve
will ich keine andre sin.
Och em nächste Levve, em nächste Levve,
jehür ich janz jenau he hin.
Läv nohm kölsche Jrundgesetz
wenn ich vürm Café Schmitz em Sönnche setz,
jo he jehür ich hin - un ich will keine andre sin!
Nimmersatte Millionäre,
die römkrakele, sich beschwere,
sich et Levve selvs schwer maache,
en der Keller jonn zom laache;
jitt et mieh als mer denk,
doch ich han mir jet jeschenk:
ich mach he Schluss - ben rus - schöne Jroß!
Do fings mich do, wo die Liebe es,
wo et kein Bekloppte jitt.
Ich han jenooch vun all däm Driss,
dä do öm mich röm passeet.
Süllenn se doch blieve, wo der Pfeffer wächs,
do fings mich do, wo die Liebe es!
Sieleping sin off die Schlimmste,
un se zo heile es immer schwer,
pack all ding Sorje un ding Ängste,
en eine Büggel un werf ihn en et Meer,
dann weed do sinn wie hä driev,
un dann irn'twann ungerjeiht,
ich mach he Schluss - Tschüss - schöne Jroß!
Et es normal, dat sin die Ping,
die stecke in jedem Minsche drin.
Ens sin se jroß, manchmol och klein,
doch irjendwann jonn se vun allein.
Un do wees liehre "för immer" es immer unterschiedlich lang,
un dat mer keinem, vür allem sich Selvs nit, hinger de Steen lure kann.
Wä em Rään nit met dir danz, weed och em Sturm nit bei dir sin,
wä em Rään nit met dir danz, bruchste och nit em Sunnesching.
Wä em Rään nit met dir danz, weed och em Sturm nit bei dir sin,
wä em Rään nit met dir danz, bruchste och nit em Sunnesching.
Hüür jot zo un sinn et en,
et Schicksal janz allein bestimmp,
der Birch erop, der Birch eraf,
et es nit schlimm, wenn do nit alles schaffs.
Allein sinn, dat muss keiner, es et manchmol ochnit leich,
zo entscheide un zo wisse, wä joot für dich es...
Veezich Winter, en lange Zick,
die eetzte Halvzeit es bal röm
Han selden usjewäässelt, un wenn dann moot et sinn,
veezich Winter, un dovun sechs met dir.
Un ich däät jään ens durch ding Auge lure, öm ding Welt ze sinn,
met dinge Uhre hüre, wie ich för dich sing,
oh, ich däät jään met dinge Häng ens föhle,
op dinger Fööss ens jonn,
nur einmol durch ding Auge lure,
vielleicht künnt ich mich dann verstonn ...
... su einfach es dat nit,
der Herrjott hät do schon sing Tricks.
Hä lööt dich laache, als wenn 't kei Morje jitt,
un ich will alles maache, dat do mich nie verjiss ...
... un sicher es,
dat noh jedem Winter ne Fröhling kütt.
Danz durch di Levve, un nemm mich aff un zo met,
die zweite Halvzeit - es nur för dich.
Iwich un drei Daach bes do am Dräume,
vun der jroße, heile, wigge Welt.
Häs immer Angs jet Joodes zo versäume,
ich rode dir: dunn doch einfach dat, wat dir jefällt!
Maach, maach, maach keine Spökes,
bliev, bliev, bliev wie do bes!
Laach, laach, laach öm di Levve,
un hür, hür, hür op die Hätz!
Iwich un drei Daach stells do dir Froge,
op die do nie en Antwoot finge wees.
Wie off häs do dich selver ald belore,
un wä es dat, dä du do em Speejel vür dir sühs?
Et jeiht mer joot,
dich han ich noch nie bereut.
Do määs mer Moot,
weiß immer, wat mir joot deiht.
Do häs Sunn em Hätze,
domet weed jede Rään ejal…
Un wenn do frös, wo ich am leevste bin,
sag ich jään: en dingem Ärm.
Un häs do och ens Ecke un Kante –
Völlig ok, dat es su bei Diamante.
Uns Zick es kossbar,
dröm verbring ich se met dir,
eetz ens för immer,
un donoh verlängere mir.
Su schön wie he,
kann et im Himmel jar nit sin…
Et Ziel es der Wääsch,
die Richtung unbestemmp.
Jede Minsch op der Ääd,
kritt vun Jeburt ahn schon als Kind
en Kess met Jeföhle vun joot bes fürchterlich,
un et schönste wat ich kräät - dat es för dich!
Övver Wiese un Felder,
en de wigge Welt erus,
et es ejal wo ich ben -
wenn do mich ömärms ben ich ze Huss!
Met däm Kopp övver de Wolke,
met dem Hätz ständig bei dir,
wenn ich övver't Fäänwieh stolpre,
zeichs do mir, wo ich hinjehür.
Nä ich jläuv nit an wunder, doröm jeiht et nit,
am Eng es dat och joot su, denn verdeent han ich dich nit!
Wenn et Levve dir Zitrone jitt, dann maach dodruss en Limo,
Wenn di Jlas halv leer es, masch et voll.
Wenn do ens schlääch drop bes, su e bessje melancholisch,
verjiss nit, ohne Dur jitt et kei Moll.
Do säs, do wills nix sinn, nix hüre,
ich saach, kanns do et Levve spüre?
Loss et erus, wat immer et es,
weil do ding Sorje wohl kaum vermess,
un es dinge Roof eetz ruiniert,
lääv et sich janz ungeniert!
Jadadadei, dadadada, jadadadadeidadadada...
Wenn do hinfälls, dann stand widder op,
un dunn di Krönche richte.
Denn bei Prinzessine, do es dat su...
Dat kahle Wasser weed nit wärmer,
wenn do späder rensprings.
Alles wat zällt am Eng bes du!
Do säs, do wills nix sinn, nix hüre,
ich saach, kanns do et Levve spüre?
Dä Klein singt jede Morje vum Trömmelche - dat jeiht.
Un am Grav vun dr Mamm sings do leis dat ahle Leed.
Un beim Heimwieh noh Kölle kritt dä Opa widder Ping,
dat wor et eetzte wat hä sung nohm Kreech,
als hä dä Dom widder jesinn.
Un ejal wat kumme weed,
wat die Zokunf uns och bringk:
Mir stonn zesamme, wenn Kölle singt!
Wenn Dir alles jenomme weed, un do bes völlig am Eng,
jitt en klein Melodie dingem Levve widder ne Sinn.
Un wenn et wirklich hat kütt, dich ne Virus fast ömbringk,
steiht en janze Stadt Naach för Naach om Balkon
klatsch un singk!
Un ejal wat kumme weed…
Denn uns Leeder sin wie Medizin
Se maache fruh, se maache stolz, wirke Wunder av un zo,
se ömärme dich, föhls do dich janz allein.
"Nur noch ehne", säät Tom, "un dann müss' mer wirklich jonn,
mer han doch noch jet vüür diss Naach ..."
Der Ovend wor ech schön, mer han uns lang nit mieh jesinn,
jetz es et spät und morie fröh Daach,
Drink der letzte Schluck Wing, un dann jommer heim,
"Alte Liebe" - ich hät nie jedaach, dat dat stimmp...
Kumm loss mer dräume jonn, die janze Naach wie fröher,
dräume jonn, wer weiß, wat all noch kütt.
Dräume jonn, luur de Sunn schingk ald in et Zimmer,
nur ne Moment, dinge Odem, ding Häng,
bes dat der Alldach uns widder fängk.
Ärm in Ärm övver de Vringsstrooß, wie lang es dat jetz her,
de Kirch schläät vier Uhr, un verstummt.
Et hätt sich einijes verändert, ob dat sinn muss, wer weiß dat schon,
ich föhl mich wie ne verknallte, kleine Jung...
Ich han ding Nöh su vermess, loss et su blieve, wie et jetz es,
Op die Welt - un uns zwei, un söns nix...
Elvis singk „It’s now or never“,
ding Auge funkle su wie fröher,
dat wor schon immer di Leed.
Häs stets jään jejovve,
jetz liste janz allein do bovve,
om 15. Stock en d’r Uni-Klinik.
Ich wor immer ängstlich, tapfer wor ich nie,
doch jetz han ich zom eetzte Mol su richtig weiche Knee…
Denn do un ich, mer sin uns su jlich,
och wenn ich et nie joot kunnt,
nöhm ich dich jään noch einmol en d’r Ärm.
Do un ich, mer sin uns su jlich,
och wenn ich et nie joot kunnt,
nöhm ich dich jään noch einmol en d’r Ärm.
Levve es e jevve un nemme,
un off jenooch e jünne künne,
dir hätt ich jään mieh jejönnt.
Ich wor dä met Ecke un Kante,
stets an de Wand jerannte
verlorene Fründ.
Leeve Papp, wat och immer jetz weed,
Grazie mille a té!