Et verjeiht keine Daach, wo ich nit ahn dich denk.
E Johr es fass schon eröm,
zickdäm do jonn moots un mer fähls.
Keiner kunnt jet dofür,
un doch wor et jeder schuld.
 
Mer sinn uns he fass jeden Daach ahn dingem Jrav,
sie bei ihrem Mann, der litt nevven dir
un jitt joot op dich Aach.
Jedanke schwirre mer durch d'r Kopp,
et es schon ärsch verröck,
däät sujar sage absurd.
 
Wenn et e Morje nit mieh jööv,
wä däät ihr sage dat ich se leev un jään han.
Och wenn die Zick off schnell verjeiht
es et zom levve nie zo spät. Ich schwör et.
 
Ich weiß jenau wie et ihr jeiht, wat se jrad föhlt.
Denn im Endeffekt jingke mer zwei
durch dieselve Höll.
E schlääch Jewesse bruch ich nit ze han,
denn do weiß jenau, dat ich et nit ändere kann.