Headerbild

Do wörs hee

Künstler:
Björn Heuser
Musik & Text:
Björn Heuser
Verlag:

Songtext:
 

Die Stehlamp do nevven der Couch en d'r Eck
süht edel us, nur d'r Schirm es jet verdreck,
dat Bild hängk nit jrad,
un t'es noch immer vill zo fröh,
un zum x-te Mol wünsch ich mir du wörs he.
 
Et wor en ieskahle Landung
in ner vill zo heiße Naach,
ne Sturm, paar Blitze, d'r Himmel hätt jekraach,
un jetz setz ich he, su wigg weg vun doheim,
un ich wünsch mer nur bei dir ze sinn.
 
Doch ejal wat och kütt, ejal wo ich ben,
do es immer e Stöck vun dir en mir dren,
ich draach et bei mir,
wie ne Schatz us purem Jold,
vun däm keiner weiß, dat et ihn jitt.

 
Un ejal wat passeet, ejal wo du bes,
welch Stadt in welchem Land,
mir zwei sinn Jesetz,
et es schön, wenn mer weiß,
dat e Deil vum Hätz
janz sicher verstaut es ...
 
Et zehnte Hotel in d'r hundertste Stadt,
han vill Bühne jesinn
un wor en fass jedem Pub,
et jitt Lück die wören neidisch
wat ich all jesinn,
doch im Moment will ich ech nur bei dir sin.
 
Die Laache, dinge Odem,
dinge Bleck un wie du rüschs,
he's su manches war mer fählt,
ich weiß nit ob du jlöcklich bes,
vielleich stehs du jo do, un waats en d'r Düür,
un am Engk – sehns du sujar noch noh mir.
 
Doch ejal wat och kütt ...