Die halve Fläsch leer, doch immer noch klor.
Vill ze vill Zijarette, do bes immer noch do.
Alles drieht sich im Kreis un ich drieh mich met,
weil ich irjendwie weiß, dat et nit wigger jeiht.

Un ich renn un ich renn un ich renn einfach fott vun dir.
Un ich renn un ich renn doch do küss immer nöher zo mir.

Et es veedel noh zwölf un die Stadt jeiht schlofe.
Wofür wor et joot, dat mir uns trofe?
E Jeföhl su jroß, doch der Moment ze koot.
Ne Sekundekuss för immer un alles – alles wör joot.

Ich zerschlag d’r Speejel, weil ich dich nit mieh sin kann.
Lieje fäddisch om Boddem un luur mir uns Bilder ahn.
Spill die Starke, wenn do bei mir bes,
doch fall zesamme, weil et nit su es.

Un ich renn un ich renn un ich renn einfach fott vun dir.
Un ich renn un ich renn doch do küss immer nöher zo mir.

Et es veedel noh drei un die Stadt deiht schlofe.
Wofür wor et joot, dat mir uns trofe?
E Jeföhl su jroß, doch der Moment ze koot.
Ne Sekundekuss för immer un alles – alles wör joot

Han mer su fess jewünsch, dat et einmol ens joot jeiht.
Ich jläuv noch do dran, dat et Jlöck zo mir steiht – dann wör alles joot.

Ne Sekundekuss för immer un alles – alles wör joot.