Immer dann, wenn et still weed,
wenn ming Hand durch di Fell jeiht,
wenn do schnurrs un dich räkels,
ben ich nit allein.

Wenn die Kääze längs brenne,
un die Minsche verzälle,
wie e’t Chressfess fröher wor,
bes do för mich do.

Ich bruch kein Päckche, han kei Bäumche stonn,
et schönste Jeschenk es, dat mir uns han…

Kumm mer fange der Wind, sag däm himmlische Kind,
dat mer zwei ungerwääs zo de Stääne sin.
Durch Raum un durch Zick, un mer kumme eetz zoröck,
wenn mer wisse wo’t litt, et Weihnachtsjlöck.

Ach wat künnste all verzälle,
wat häs do nit all jesinn.
Bes all ding sibbe Levve,
an minger Sick.

Minsche kome un jinge,
do hoots mich kriesche un singe,
un worste och näächtelang fott,
do kohms immer zoröck.

Hellichovend do funkle ding Auge noch mieh,
als söns en der Naach – hey, kumm met mir…

… un mer fange…