En stille Winternaach,
doch irjendwie besonders kalt,
keine Minsch mieh op d'r Stroß,
övverhaup es nix mieh los.

Dinge Koffer es jepack,
du denks ich schlof, doch lijje ich wach;
Steihs janz leis op, jiss mir ne Kuss,
de Düür fällt in et Schloß ...

Wenn do jetz jeihs, es en Iwichkeit am Eng,
wenn do jetz jeihs, wees do nie mieh bei mir sin,
hüür ich niemols mieh ding Stemm ...

Do häs nit vill jesaat,
häs nur jemeint, jetz köm dä Daach,
sich zo entscheide: Karo, Pick oder Krüz;
wat do nie wullst wor et Hätz.

Do määs et mir nit leich,
doch ich wünsch dir Jlöck op dingem Wääsch;
Setz mich zor Rauh, denk dröver noh,
wat kütt, wat wor ...