Ich han kein Trone mieh,
die sinn bei dir - umhülle dich janz sanf.
Ich han keine Welle mieh,
dat litt an mir – mir fählt die Kraff.
Wo es mieh Jewesse,
och wenn ich sinn, dat du et bes –
Wo es die Jeseech?

Die Naach es ruhig un klor,
sie jeiht dohin – nimmt dich in ihre Bann.
Un ich weiß du wehrs dich nit,
du jeihs halt mit
he's nix wat dich halde kann.
Wie künnt ich verjesse,
wie et wor, un wer do bes –
Wo es die Jeseech?

Nä, ich han kein Frore mieh,
es do och vill, wat ich jään wöss.
Doch ich erfahr wohl nie,
wat wirklich wor, un woher do küss.
Wie off han ich he jesesse,
han mich jefroch, wie et es –
Wo es dich Jeseech?

Kumm, schleeß die Aure jung,
jangk dinge Wääsch, do häs et verdeent.
Denn wat brengk et schon,
dich he ze halde – fleech zo dingem Stään.
Ich weed dich vermesse,
och wenn ich sinn, dat du et bes –
Wo es die Jeseech?