Jefange en ner seelische Zell,
jefesselt en ner psychische Höll,
zerschlare un katapultiert en en andere Welt.

Bedrore, missachtet, verletzt,
belore, jekränk un verletz,
systematisch zerstürt, kein Frore jestellt,
driehs dich röm un blies stell...

Schleeß die Aure, föhl die Hätz,
versöök ze spüre, dat du läävs,
Jedanke stonn im Wääsch
wo sin die Johre?
Steihs apathisch en d'r Eck,
alles ejal, Haupsach weg,
föhls dich leer un verreck
wo sin die Johre?

Do luurs us däm Finster erus,
nemms e Bild, wie söß du ens wors,
ding Mamm, dinge Papp nevven dir
wees do je widder sin?

Wer hätt dir der Odem jekläut,
wer nohm dir ding Jungfräulichkeit,
wer wor zom stirve bereit
ahn wem jingst do en?
Beste ech jään allein?

Schleeß die Aure, föhl die Hätz ...