Jetz sich ich he, et es vorbei,
he es et leer, Anfang Mai.
Jedanke in't Leere, en unfassbare Angs,
der blanke Horror määt mich krank.

Ich will fleeje, ich fleech zo dir,
keine Himmel es ze huh,
kein Höll es mir zo heiß;
ich will fleeje, su schnell ich kann,
weil ich dich vermess.

En fibrije Naach, un doch ieskahlt,
erkenn he nix,
nit ens die Bild mieh an der Wand.
De Sunn jeiht op,
ich sinn dich vüür mir stonn,
kann nur erkenne du wills jonn...

Ich will schwemme, ich schwemm zo dir,
kei Ufer es zo wick, keine Ozean zo deef;
ich will schwemme, su schnell ich kann,
weil ich dich vermess.

Ich will renne, ich renn zo dir,
keine Wääsch es mir zo wick,
kei Wedder es zo fies;
ich will renne, su schnell ich kann,
weil ich dich vermess.